شنو داخل شنطتي ؟ | what's in my bag

السلام عليكم ورحمة الله ،

شنو داخل شنطتي ؟

مو غريب عليكم الموضوع أكيد كثير بلوقرز كتبوا هالتدوينه

وشي جميل إني أعرف وش داخل شنطهم من باب الاستفادة و الفضول ههههههه

أنا من النوع اللي ماأحب تكون شنطتي ثقيله أحاول أخفف من أغراضي داخلها

أخذ بس الأشياء الضروريه واللي ممكن أحتاجها وأنا طالعه . . 

أحب الشنط الصغيره ماحبها تكون كبيره حيل  

وأغلب شنطي أحب تكون لها حزام طويل عشان اذا تعبت منها ألبسها كروس . . 

حاليا شنطتي اللي استخدمها " برادا " 

شنطة كلاسيك أنيقه وحجمها مناسب لي

هذي الحجم الوسط في أكبر منها وفي أصغر 

ولونها ممكن تقولون لحمي على بيج 

بالصوره مبينه بيج (بني) بس بالواقع غير 

وبالنسبه لـ الأغراض اللي أحملها داخل الشنطه 

- بوك ( من زمان عندي وحيل أحبه من كليرز ) 

- آيفون 5 

- عطر من  " roses greedy " mancera

- شنطة صغيره ميكب 

- علكه 

- مناديل ديتول 

هالعطر ي بنات يجنننننن ريييحته عجييييبه 

هذا دايم يكون في شنطتي وهالماركة جميله روايحهم 

جربوهم وقولولي رايكم 

شنطتي للميكب مو كل الوقت تكون معاي أحيانا آخذها لما أكون طالعه و عارفه إني بتأخر بالرجعه . . 

ومرات لما أقوم الصبح للدوام متأخر مايمديني أحط ميكب فهي تكون المنقذه لي

اول ما أوصل الدوام أستخدم اللي فيها

- ماسكارا ديور 

- تاتو حواجب من فورايفر 

- روج twig من ماك (( الكل حفظ هالروج من كثر ما أتكلم عنه ))

- صبغ أظافر 

أشياء بسيطه مثل ماتشوفون ماحب الحوسه الزايده والزحمه 

جاتني فترة من الزمن ألبس الشنط الكبيره فإضطريت أعبيها شغلات ماأحتاجها بس عشان أمليها 

ما أحب تكون شنطه ميته دامها كبيره لازم تكون مليانه عشان شكلها يكون حلو

ووقتها جاني ألم في يدي من ثقلها و كرهتهم صراحه . .

حاليا اذا بستخدم شنطه كبيره بتكون بس اذا كنت مسافره او طالعه

 لـ شاليه أو مخيم عشان احط فيها كل اللي احتاجه في مدة إقامتي بااضافه إلى اكيد شنطة كروس . . 

وبسسسس 

موضوع بسيط ان شالله عجبكم 

وأكيد أحب أعرف رآيكم وأقتراحاتكم للتدوينات الجايه 

آشوفكم على حب ❤

‏