Mini Makeup Haul ❤ مشتريات ميكـب

السلام عليكم ورحمة الله ،

رجعت لكم مع مشتريات ميكب بسيطة وشويه ريفيو لكل منتج

Anastasia Beverly Hills

Amrezy Palette

أتوقع كثييير منكم يعرفون هالباليت وسمعوا عنه ، ماركة Anastasia Beverly Hills أنتجت هالباليت لـ بلوقر جميله أسمها Amrezy وأنتجت لـ بلوقرز أُخريات 

ألوان الباليت جدددا جميله غالبها ألوان دافيه وقليل من الألوان البراقه ، حبيته كثيير لأن مع هالباليت تحصلين على لوك كامل للعين ماتحتاجين تستعيني في باليت أخر 

يضم هالباليت ١٠ ألوان مختلفه ، الصف اللي فوق يضم الألوان اللامعه ( قليتر ) و الصف اللي تحت الألوان المطفيه ( مات ) وجودة الباليت ممتازه

هالماركة أنا ماأعرف اذا هي موجوده من زمان لان أنا توني أعرف عنها من كم شهر سمعت عنها كثييير وعن منتجاتها من باليت و ماسكارا للحواجب وغيره 

سواتش من النت لـ ألوان الباليت

وهذا لوك جميل من الباليت

Stila Magnificent Metals - Kitten

ظلال عيون جديد من ماركة ( ستيلا ) شدددتني فكرته جدا وهي اني أخذ نتفه من الشادو وامزجها من نقطة من البرايمر و يطلعلك الشادو بلون أجمل وقوي وثابت

الألوان اللي نازله جدددا رهيييبه حبيتهم كلهم بس أخترت لون الـ Kitten لون لمعه ذهبيه خفيفه مو اللون الذهبي القوي 

سواتش لـ اللون اللي اخترته 

 Concealer - Maybelline

كثيييير سمعت مدح عن هالمنتج وقلت أجربه بنفسي ، طبعا كتجربه أولى جددددا حبيته خذيت الدرجة الفاتحه وجددا ناسبتني أنا مو كثير من الكونسيلر لان مالقيت شي يجوز لي كنت سابقا استخدم كونسيلر ماك بس ماحبيته كان يقطع معاي وثقيل شوي 

BB cream - Tarte 

هالماركة جذبني فيها أن منتجاتها كلها مصنوعه من مواد طبيعيه عضويه حبيت الفكره وقلت أجرب البي بي كريم " بما أني مجنونه بي بي كريم " وأيضا كتجربة أولى أول ماحطيته على بشرتي حبيت سهولة أمتزاجه مع البشره ويعطيك شعور مخملي وأنتي توزعينه حييل خفيف وما كأني حاطه شي أنا خذيت درجة " اللايت "

وبسسس

آشوفكم على حب ❤