السلام عليكم ورحمة الله ،
الكل يعرف أني قاعده أترقب بشوق كبير توصل طلباتي اللي طلبتها من موقع نوردستروم << ادري ازعجتكم في هالسالفه :/
وقاعده للان توصلني على دفعات بعدها مااكتملت وعاد نيتي كانت اسوي بوست للطلبات كامله بعدها اسوي ريفيو بس شكلهم مطولين باقي الطلبات فقلت انزل هالريفيو قبل دام وصلني
كوليكشن الهوليدي من ايستي لودر تقدم ٤ أرواج سايز ميني ( قياس صغير للسفر ) مع حقيبه انيقه صغيره بسعر 37.50$
أرواج صغيره خلابه من ايستي لودر تأتي بأربع درجات " بينك ، لحمي ، فوشي ، أحمر " فيها نسبه ترطيب عشان تحافظ على شفايفك من التشقق ، خذيت المجموعه من موقع نوردستروم وكان العرض حلوو للغايه اني اجرب هذي الارواج بالسايز الصغيره واذا عجبتني اشتريها وسعرها مناسب ، كحجم هي فعلا صغيره يمكن بالصوره ماتبين حجمها الحقيقي ولكن هي " نتتتتفه " نقدر نقول سايز السفر يعني عمليه وانتي مسافره تاخذين هالارواج وحجمها ماراح ياخذ حيز في شنطتك ابد اصلا ماراح تحسي في وجودهم ههههههه
" الالوان موباينه حييل بالصور "
الارواج كريميه " رغم ان شفايفي جافه والارواج الكريميه تساعدني بس ما أحبها أفضل المات أكثر " عندكم لون البينك الفاتح مو قوي ماعجبني ولما تحطينها على شفايفك كأنك حاطه قلوس فاتح مو باينه أما الفوشي والاحمر ألوانهم قويه واضحه وحلوه واللون اللي حبييته اكثر شي اللون اللحمي على وردي لوونه عجييييب عالشفايف اسمه " ديناميت " احتمال كبييير اشتري السايز الكبير منه
(صورة من النت)
حلوه سالفه العروض هذي اللي تجمعلك مجموعه عينات بمقاس كبير احيانا ومقاس صغيره تكون مجموعه للعين مثلا " ايلاينر وماسكارا وشادو " او مجموعة أرواج أو عناية للبشره ، الحلو فيها تتيحلك الفرصة تجربي منتجات أكثر بسعر قليل ممكن يكون السايز غالبا اصغر من الحجم الطبيعي بس افضل من انك تشتري المنتج بسعر وقدره عشان تجربينه
هذي بعض الهوليدي قيفت اللي بالموقع واسعارهم جددا معقوله واكيد لاتنسون تدخلون الموقع وتشوفونه بنفسكم احتمال يكون في خصومات كبيره اخر هذا الشهر
وبس
آشوفكم على حب ❤
No comments:
Post a Comment