Review~ Fresh Rose Mask Face

السلام عليكم ورحمة الله ،

قناع الوجهة من الورد الطبيعي من ماركة Fresh اللي تختص بمنتجات العنايه في البشرة ، شفت تقييمات كثير على منتجات هالماركة وجاني فضول أجرب هالقناع أو " الماسك " يجيك على صيغة هلام ( جل ) مع ماء الورد النقي وبتلات الورد الحقيقيه لاستعادة بريق وليونة البشرة 

يتكون المنتج من :

• ماء الورد النقي هو معروف بخصائصه المهدئة للبشرة وتنقية الجسم وصفاؤه وزيادة النعومة والنضارة .

• مستخلص الخيار و نبات الألوة يساعد على تهدئة الجلد ويكون لها التبريد الفوري وتأثير مهدئ على البشرة .

• وجود الطحالب توفر لك رطوبة مثلى .

• تساعد مضادات الأكسدة الغنية التي يحتويه الشاي الأخضر على توهج البشرة وحمايتها .

 

قناع باااارد ومنعش للوجه واحساسه عالبشره جددا جميييل استخدمته مدة اسبوعين ٣ مرات باليوم هو ممكن تستخدمينه يوميا بس انا ما التزمت فيه يومي إلى الان

بعد ماتغسلين بشرتك بغسول مناسب وتنظفينها من المكياج وغيرها بعدها تاخذين شي بسيط منه وتوزعينه على بشرتك بالكامل بس تبتعدي عن منطقه العين . . طبقه خفيفه مو تحطين طبقات كثيره و تخلينه على بشرتك ١٠ دقايق بعدها تغسلينه وممكن تستخدمي مرطب يناسبك 

الماسك فعلاااا منعش بمجرد ماتغسلين بشرتك تحسين ان البشرة مرتاحه حبيت بتلات الورد الموجوده في الماسك وريحتها ورد طبيعي جميل أحساس الانتعاش وان فعلا بشرتك تنفست صحيح الماسك باااارد جدا على بشرتي ضايقتي في البدايه بس عادي يمشي الحال 

 

مميزات المنتج :

• علبته شكلها انيق

• كمية المنتج راهيه وتكفيك مده 

• ريحة الورد فواحة من اول ماتفتحين الماسك

عيوب المنتج : 

• مايناسب اللي بشرتها دهنيه بزياااده 

" رغم انهم كاتبين لجميع البشرات " 

• سعره يمكن غالي شوي بالنسبه للبعض . 

• البروده اللي احسها في وجهي لما احط الماسك مع الجو البارد شي مززززعج احس وجهي تثلج 

بشكل عام ماء الورد جدددا جميل ومهم يكون عندك ومفيد مو شرط ماسك لا اخذي بس ماء الورد وخليه على تسريحتك كل يوم اخذي قطن صغار بلليها بـ ماء الورد وامسحي وجهك فيها 

فوائد ماء الورد للبشرة : 

• حماية البشرة من اضرار أشعة الشمس عن طريق مسح البشرة بقطنة مغموسة بماء الورد .

• لـ تفتيح البشرة يستخدم ماء الورد عن طريق إضافة ملعقة كبيرة من ماء الورد إلى كوب كبير من الماء على الريق .

• لإزالة البقع والكلف وتهدئة حب الشباب في البشرة .

• علاج المسامات والبشرة الدهنية والنمش .

وبس

آشوفكم على حب ❤️
Follow my blog with Bloglovin