السلام عليكم ورحمة الله وبركاته ،
منو فينا مايحب الحلويات والسويت و الكيك وهالسوالف الطيبه :))
عشقي الكاكاو بكل أنواعه ، ومن كثر حبي لهالسوالف تعلمت آسوي هالشغلات اللي تجيب السعادة
وما شالله النت مليان بالمبدعين اللي علمولي وصفات سهله و رائعه ،
اللي حابه تتعلم عندها اليوتيوب والانستغرام وغيرهم
اليوم بقدم لگم وصفة العشق كلله ( روگي رود )
منو مايعرفه ومنو مايحـبه ، وصفه سهله و ما تاخذ وقت طويل ..
والحلو في هالوصفه تقدرين تضيفين اللي تبينه وتغيرين على كيفج
وتحطين الخيارات اللي انتي تحبينها ..
المقـادير :
١٠ كاكاو جالگسي سادة
١٠ كاكاو آرو
بسكوت دايجستف
مارشملو
ملاحظة : المارشملو اختياري تقدرين تستبدلينه بـ اي شي إنتي تحبينه ( جوز هند / مالتيزر / أوريو ) او اي خيار ثاني ..
في حمام مائي نذوب الجالكسي و الآرو ولما يذوبون تمام
وفي وعاء ثاني نكسر الدايجسف صغار مع المارشملو
نجهز بايركس متوسط الحجم ونحط ورق الزبده عشان مايلزق الكاكاو ونقدر نطلعه بسهوله
ونصب الكاكاو فيه و نحط الدايجستف و المارشملو ونخلطة مع الكاكاو بالملعقه ونرتبته عدل يكون متساوي الخليط فالبايركس
وندخله الفريزر ٤ ساعات وتالي نطلعه ونقطعه قطع متساويه ونحطه في طبق جميله
وعليـگم بألف عافيـة
❤️
This comment has been removed by the author.
ReplyDeleteتخيلي قبل يومين وصلتني كمية من رفيجتي وماكنت مكتشفته إلا بعد ماجربته، وتوي اللحين شفت الصورة وقلت: هاي أعرفه، طعمه عجيب! ويوم شفت إنج حاطة الوصفة <3<3<3
ReplyDeleteيعطيج العافية
يعافيج حبيبتي فعلا طعممه يجنننننننن
Deleteاحبك حبين حب الهوى وحبا لانك اهل ذاك ماذا تقول فى حب الله ما ان الحب الهى هو اسمى انواع الحب
ReplyDelete