السلام عليكم ورحمة الله ،
كوني كـ إمرأة أبحث دائما عن أفضل مستحضرات التجميل وشنو الجديد ، أحب أجرب مستحضرات ميكب من ماركات جديده ومحد تطرق لها لـعلي أجد شي مميز وجميل ❤
من مستحضرات التجميل إلى أعشقها وما أستغني عنها هي الـ ( ماسكارا ) أعتبرها شي أساااسـي و ضروري في كل لـوك ، وأنا أستكشف موقع NordStrom لقيت ماركة Trish Mcevoy هالماركة شفتها في لندن ٢٠٠٩ وكان عندهم عطور و ميكب وخذيت من عطورهم شي خيااااااااال أحب عطرهم بس ميكبهم ماجربته وقتها وماخذيت منه .
TRISH MCEVOY LASH CURLING MASCARA
مسكارتي الجديده من ترش بسعر 31$
- اللون أسود كالفحم
- الصيغه طبقة سميكة على الرمش
- تستمر معك طوال النهار
- عدوم وجود تكتل للماسكارا
- التعبئة والتغليف للمنتج معدن مع طلاء من البلاستك
في هالماسكارا لا تحاتين ( عيون الباندا ) اللي لما تغسلين وجهك ويسيح السواد تحت عينك وبصعوبه ينمسح ، لا هنا الوضع غير وهذا اللي حبيته بس بمجرد ماي دافئ عن طريق أصابعك تزيلين الماسكارا بسهولة وبدون أي تلطيخ عالوجه
وبنفس الوقت هذي نقطه سلبيه بمعني أنك لو بكيتي أو تسبحتي تأكدي أنك أزلتي جزء من الماسكارا إذا مو كلها طبعا لأنها مو ضد الماء
حبيييت الماسكارا كثييييير وكنت استخدمها بشكل يومي للدوام لأنها ماتتكتل بالرمش وماتخليهم يلزقون في بعض، وفي بعض انواع الماسكارا يغلفلك الرمشه ويعبيها سواد يخليها سميكه ماكنت حابه هالنوع بس مع هالماسكارا لا . .
في نقطة مهمة قاعده أتأكد منها وهي : أنا كل يوم أستخدم هالماسكارا وبعد اكثر من اسبوعين شفت فراغات بين رموشي :( رغم أني أستخدم ماسكارتي المعالجه بس مو بشكل يومي مع هذا شفت فراغ بين رموشي ما اعرف السبب اذا كان من الماسكارا هي اللي طيحت رمشي
هذا أنطبااعي عن المده البسيطه اللي جربت فيها الماسكارا
وبس
آشوفكم على حب ❤
No comments:
Post a Comment