Favorites for Winter | مفضلاتـي للشتـاء

السلام عليكم ورحمة الله ،

شالأخبار مع بداية الشتاء !

الآجواء ماشالله جميله حاليا مو بارده كثيره وحلو الواحد يطلع ويستمتع بـ هالأجواء ، انا عن نفسي ما أحب الطلعات بالأجواء البارده جدا لاني ما أستمتع صراحة في البرد حيييل وأتجمد بسررعه 

عموما موضوع اليوم بسيط بتكلم فيه عن آشياء شتوية راح أستخدمها بـ هالفصل الجميل ، بالشتاء غالب الألوان تتركز على درجات الأحمر بالذات اللون العنابي والألوان الداكنة 

من الأرواج اللي أحبها لفترة الشتاء هو اللون العنابي من " laura mercier " اللون جدددا جميل وقوي وكريمي مايشقق الشفايف ابد 

روج آخر جميل من سيفورا بـ لون البنفسجي الداكن ثااابت إلى حد كبير ونهايه شكله عالشفايف يكون مخملي حلو ويناسب الشتاء بس عيبه أن خطوط الشفايف توضح معاه لان مثل ماقلت لكم مخملي مطفي 

من " byterry " روج بـ لون البرتقالي على أحمر شوي وفيه لمعه بسيطه كريمي ومايشقق الشفايف ولا تبين الخطوط معاه

عندي بعد لون أحمر جميل من " bareminerals " تكلمت عنه بالأنسقرام لونه بأختصاااار دمااااار ❤

عادةً مكياج الشتاء يتصف بالنعومه أكثر نلاقي التركيز أكثر يكون على لون الروج البارز ونكتفي بـ الآيلاينر والماسكارا 

الترطيب مهم خصوصا بالشتاء وانا بعادتي أحب كريمات الترطيب عندي كمية متنوعه منهم ، من الكريمات الجميله " جرجينز" ترطيبه مو قوي حييل لكن اللي مثل بشرتي انا مو جافه حلو ومناسب 

بالفترة الأخيره صايره أحب أستخدم زيت الأطفال من جونسون يعطي نعووومه وملمس يجننننن حييييل حبيته واستمتعت في أحساسه بالذات اذا كنتي مسويه ليزر فأنتي مضطره تستخدمين " الموس أو المكينه " الزيت هذا يساعد ان بشرتك ماتكون خشنه وناشفه بسبب الحلاقه 

باليت قديم عندي من " Cargo " ألوانه تجننننن تفتح النفس مابين الأخضر والأزرق والبني . . يتكون من ٨ ألوان لـ ظلال العيون و ١ بلشر و برونز ، ألوانه بارده تناسب فصل الشتاء والخريف ، هالماركة هذي شغلها بسيط بس حبيتهم عندي منهم سابقا قلوس للشفايف و بلشر اللي حببني في الماركة تغليفهم للمنتج حلو وبسيط 

أصباغ الآظافر أخترت لكم الألوان القويه بين درجات الأحمر من كذا ماركة ، أيضا في ألوان ثانيه لأصباغ تنفع لجونا بين درجات الزيتي والكحلي " الازرق الداكن " أشوفها مناسبه وحللوه وأيضا يقولك موضة هذا الشتاء لأصباغ الأظافر اللون الأبيض واللون الرمادي 

في الشتاء معروف التركيز يكون على الروايح الثقيله و ريحة " دهن العود " غالبنا يفضلها أكيد بالجو البارد ، مسك العود من القرشي من مفضلاتي اللي أحبها للشتاء جدا جميل وقوي ويناسب أجواءنا البارده أيضا ذكرت من قبل عند القرشي مسك الختام ومسك العروس رووووعه للغايه وروايحهم فخمة 

أيضا اخترت لكم عطر قوي من " جومالون " العطر ريحتة مركزه قويه وثابته ماتنفعني للصيف احسها ثقيله رغم اني مرات كنت استخدمها و هالمحل بشكل عام عندهم عطور وشموع تجننننن 

شنطتي الـ ناريه p: من " لوف موسكينو " قديمة الشنطة هذي عندي بس أحبها رغم أني أستخدمتها قليل جداا بسبب لونها الصارخ ، حجمها وسط يمكن بالصوره مبين كبيره بس حلو حجمها ونظامها مفتوحه الشنطه مافي سحاب 

وبس 

آشوفكم على حب ❤