عطـوري الجديدة ❤ Perfumes

السلام عليكم ورحمة الله ،

بوست سريع وبسيط عن آخر عطوري اللي أستخدمها حاليا ، شاريتهم من كم شهر من ألمانيا بعضها متوفر في سيفورا وبعضها حصري لدى ميونخ 

يمكن مو كلهم عاجبيني ١٠٠٪ بس خذيتهم وقتها لاني كنت مخلصه كل عطوري فـ خذيت هالمجموعه الخفيفه للنهار ، غالبا عطور المناسبات أفضلها تكون شرقيه لان تكون الريحة أقوى وأثبت مثل عطورات ( الجزيزه / ياس / دار الطيب ) ، أما للنهار فـ الزهور والآشياء الخفيفه هذي تناسبني

Be Jeweled Vera Wang

عطر فاكهي مع زهرة العسل الوردي بالاضافه إلى المسك وخشب الصندل

هالعطر ناعم يناسب النهار بشكل عام خفيف بناتي نقدر نسميه وشكله يججننن كأنها كريستاله ورديه ❤

Princess Vera Wang

عطر زنبق الماء والتفاح واليوسفي الطازج الحلو والمشمش بالاضافه إلى مسك الروم والعنبر والخشب وزهرة التياري 

هالعطر أثقل شوي من اللي فوق ممكن يستخدم للمساء وهالماركة طبعا تتميز بشكل عطورها كل وحده كأنها تحفه فنيه جميله ❤

Miyabi Woman Annayake

عطر الأزهار - فريزيا البيضاء وعباد الشمس 

بالإضافه إلى التونكا والعنبر والمسك الأبيض وخشب الصندل 

ريحته غريبه أول ماشميته ما اعرف عجبتني والا لا بس قلت أخذه وأركز أشمه في البيت وحبيته ريحته مميز وناعم ❤

Bonbon Viktor&Rolf

عطر الكراميل واليوسفي والبرتقال والخوخ بالإضافه إلى زهرة البرتقال والياسمين وخشب الغاياك والصندل

هالعطر آشبه بالحلوى ريحته بطعم الحلاوة شي ناعم نهاري بسيط وشكله جميل ❤

La Petite Robe Noire Couture Guerlain 

عطر الزهور الفاكهي - البرغموت والتوت 

ريحته عجبتني حسيتها جديده علي وتنفع للمناسبات لأنها قويه شوي بس مو مزعجه وهالمجموعه تقريبا تتشابه روايحها بس فرق التركيز في العطر ❤

كل العطور اللي ذكرتها ريحتها ناعمه بارده وابد مو ثقيله ، كلها فرنسيه وتشمل على روايح الفواكه والزهور ، يمكن أنا ما أحب عطور الفواكة بس هذيلا خذيتهم لانها مزيج من الفواكة والزهور والمسك ❤

وبس

آشوفكم على حب ❤