preparations for eid | آستعداداتي للعيـد ❤

السلام عليكم ورحمة الله ،

مابقى شي عالعيـد ، كل عام وأنتو بخير يارب

طبعا الفتره اللي فاتت كلنا عشنا حوسة التجهيز للعيد ، اللي تحوس بالمولات وتدور شي يعجبها واللي تعبت وقررت ترتاح وتطلب من النت واللي مجهزه أغراضها قبل رمضان عشان ترتاح 

أنا سويت الثلاثـه صراحه يعني حست بالمولات و طلبت من النت وقبل رمضان كنت مجهزه كم شغله للعيد 

متعبه جددا سالفه شنو ألبس في العيـد ! 

لان في العيد غالبا نشوف ناس من زمان مو شايفينهم ما نلتقي إلا من عيد إلى عيد 

فـ دايم أحرص أن بدلة العيد تكون مميزه وحلوه 

بالفترة الأخيره صارت موضه التنانير " skirts " وشي حلووو صراحه فرحت فيهم ، أحس التنوره تعطي أنوثه إذا عرفتي اللي يناسبك لان قصاتها أنواع وتختلف من جسم إلى أخر ، هنا إنتي تختاري اللي يناسب جسمك 

أنا أحب القصه النافشه مثل سعاد حسني تعجبني وأحسها تصغر البنت وتعطيهل ستايل الكيووت إذا لبستها وعرفت لنفسها صح 

بالنسبـه لـ تجهيزاتي للعيـد تقريبا أكتملت 

وقررت تكون طلتي هالعيـد " تنوره " 

وبما أني حست بالسوق وماعجبني شي 

قررت أصمم لنفسـي اللي أنا أبيه

تنوره قصيره قصتها كلوش نافش اخترت نقشتها تكون ألوان زهور حيييييل حبيتها صراحة والحمدلله لما شافوها أهلي عجبتهم 

" طبعا للي مايعرف أنا عشقي التصميم والأزياء وقريب أحقق حلمي بإذن الله " 

بالنسبه للـ توب كنت حاطه في خيالي لون أبيض يكون وتوقعت الامر سهل راح ألقى الي ابيه بالسوق بس للاسف اللي شفتهم ماكانو اللي في بالي ابد

وتأخر على الوقت وأنا مالقيت قطعه تناسب الـ تنوره ، وقبل يومين قررت أصمم اللي أبيه وللحين ماجهزت البلوزه اللي صممتها ، ان شالله تضبط وتكون مثل ماتخيلتها " ان شالله أصورها لكم اذا تمت المهمه على خير " طبعا فكرتي ان تكون التنوره فوق البلوزه 

الشوز طلبته من موقع asos لونه وردي فسفوري جميييل لونه ومناسب للتنوره رغم أن الكعب صغير وانا أحب الكعب العالي أحسه يعطي رزه لـ اللبس بس ماعليه يمشي الحال 

الحلو في التنوره ألوانها ماتوهقك كل شي يناسبها " طبعا في ألوان ثانيه لـ خامة التنوره للي حاب اني اصممها له :) أستقبل طلبات خاصه :d " 

الشنطه أخترت الـ برادا ، أحبها وشكلها كلاسيك ولونها لحمي وحجمها وسط وقصتها تجنننننن 

بالنسبه للاكسسوارات قررت تكون ذهبي مع سلفر 

ماظن راح ألبس عقد لان موديل البلوزه مسكر من الرقبه ، فـ بكتفي بالساعه والاسواره والخواتم 

ساعتي من " tissot " لون ذهبي بـ سلفر

أسواره من " LV " لون ذهبي والمكعبات لون بنفسجي و كانه برتقالي فاتح

الخواتم أحب ألبس أكثر من خاتم باليد 

وصبغ الأظافر للحين محتاره أي لون بالضبط أحط 

" لون وردي فسفوري مثل لون الشوز "

وإلا " لون تيفاني مايل عالأزرق " اكسر اللون 

وإلا " تركيب الأظافر الملون "

وقتها بالعيد أقدر اجربهم وأقرر 

والشعر مفكره أرفعه هو قصير بس لازم أرفعه بطريقه لان مثل ماقلت لكم البلوزه مسكره من فوق واذا كان فستانك الرقبه مالته مسكره يفضل رفع الشعر

هذي صور لـ سلينا رافعه شعرها بطريقه ناعمه حبييييتها 

هذي أستعداداتي البسيطه للعيـد 

شرايكم :)) 

ان شالله عجبكم الموضوع 

وآشوفكم على حب ❤