مُدونة كريستال: A Few of My Favorite Things

السلام عليكم ورحمة الله ،

بعض من آشيائي المفضلة بعيدا عن الميكب والبيوتي ، آشياء أفضلها عن الباقي اما ان تكون لها ذكرى عندي أو شخص اهداني إياها أو مجرد شي عجبني . .

آشياء ربما لاتعني شي للكثير منكم ولكنها من أقرب الآشياء لقلبي . .

أنا من عشاااق تجميع الأكواب ❤️ أحب أشتري أكواب كثييير من كل مكان وكل بلد ازورها وهذي الأكواب غالبها أستخدمها للزينه يعني ما أشرب فيها بس أخليها كـ ديكور للغرفة . .

من ضمن هذي الآكواب هالـ كوبين خذيتهم من تركيا عجبووووني حجمهم وألوانهم جددا تشد الواحد لها ، واحد استخدمه للكوفي والثاني هو لمشروبات بارده بس انا استخدمه كـ ديكور آزين فيه مكتبي ممكن أحط عليه الفرش للميكب أو بعض الآشياء المكتبيه والكلام اللي عليه يجيب السعاده . .

كوب رويال ألبرت من الاكواب اللي حرصت على اقتناءها من دبي ، كوب فعلا ملكي انيق الى الان لم استخدمه حاليا حاطته في بوكس اجمع فيه اشياء لما انتهي من غرفتي الجديده راح اشوف له مكان يليق فيه . .

نوته أو مذكره كيووووت من محل ديرني في لندن أحبهاا جددا ومن كثر حبي لها خايفه أكتب عليها ههههههه ؛d

عندي حب للنوتات الصغيره واللي اشكالهم كيوت وغريبه تسعدني جدا واحب ادون عليها ملاحظات صغيره أو نقاط حابه اتذكرها لاحقا ، محل ديزني من المحلات اللي ماودك تطلعين منها من جمالها فعلا بمجرد ماادخل المحل اصير طفله كل شي يلفتني خذيت منهم اشياء كثيره وقتها أكواب و صحن للشوربه و كتب دراسيه و مذكرات وأقلام . .

كفر على شكل دبدوووب ❤️ جاني هدية من برا هذا كفر للمكتب لما اكون اشتغل احط الايفون عليها فقط يعني ما استخدمه طول الوقت لان حجمه كبير ، طبعا انا عارفه ان ربما تستغربون حبي لمثل هالاشياء الطفوليه بس انا فعلا احب كل الاشياء الكيوت واللي فيها طفوله مااعرف ليييه نقص فيني مثلا :d . .

سليبرز على شكل نمر خذيتها من تركيا جددددا جميله وداااافيه و شكلها يوووونس طبعا هالسنه الكويت ما جانا ذاك البرد اللي كل سنه فـ انا عن نفسي ما شتيت في اللبس كان شي خفيف واذا حسيت في برد لبست جاكيت أو شال " وشاح " دافي شوي ، هالمحل ما اذكر اسمه في تركيا كان أغلبه للسليبرز باشكال والوان تشوووق وشخصيات كثيييره جد وقتها احترت اي شخصيه أخذ ههههههه . .

محفظة صغنونه للعملات المعدنيه على وجه دبوب هذي من الاشياء القديمه عندي واللي مازلت أحبها ومحتفظه فيها يمكن ماصرت استخدمها مثل السابق بس تتم ذكرى جميله عندي . .

كتب قديمة عندي ومن اكثر الكتب حبيت قراءتها يمكن ذوقي الان يختلف عن السابق ولكنها من اقرب الكتب لقلبي ، طبعا من ضمنهم سلسلة twilight لاني احب الجزء الاول من اقرب الاجزاء لي والجزء الاخيره ربما ، عندكم بعد " زهره الثلج والمروحه السريه " هي قصة يابانيه ، " رحلتي مع غاندي " احب شخصيه غاندي وكان ممتع القراءه فيه يعجبني فكره وكلامه . .