مُدونة كريستال: وصفات ~ كيكة الدايجستف

السلام عليكم ورحمة الله ،

حبيت ارجع لكم بموضوع الوصفات تغيير يعني عن مواضيع البيوتي ، وكالعاده معاي وصفه حلا :d ياربي ماعرف انزل لكم غير الحلا أحس ابدع فيه وشي جد أحبه مو لاني ماعرف اطبخ بس احس لو بحط لكم وصفات طبخ لعشى واكل دسم اعتقد مو الكل بيسويه وبيفيده لان ممكن البنات بالعشرينات واصغر مايحبون يسوون اكل ثقيل وفيه حوووسه زايده فـ وصفات الحلا ممكن الاغلب يحب يجربها دامها بسيطه ودايم اسعى باختيار الوصفات السهله

وصفة اليوم أو حلا اليوم هذا من اختراعي هو بالاساس مافي وصفه ومقادير هي سالفه تشيير بمعني اشتهيت حلا وقعدت احوس ادور شي عندي عشان اسوي حلا مالقيت شي طلبات ناقصه عندي مالقيت الا كم شغله وقلت خليني اخبص لين يطلع معي شي :))

المقادير : " اعذروني نسيت اصور المقادير كامله "

- ماربل كيك جاهز ( اللي يكون شوكليت و فانيلا )

- بسكوت دايجستف ( الساده من غير كاكاو )

- ملعقه كبيره قشطة / قيمر

- ملعقه كبير نوتيلا

للتزيين : آيس كريم وصوص كاكاو

الطريقه :

- نجيب قالب كيك اي شكل كان مربع او دائره بس المهم تكون الاطراف متحركه يعني نقدر نفتح قالب الكيك من الاجناب

- كيك الماربل نقطعه ونرصه بالقالب ضغطي عالكيك بيدك داخل القالب خليه كانه كيكه وحده كامله مو مقطعه