السلام عليكم ورحمة الله ،
حبيت أغير عن مواضيع الميكب والبيوتي وسويت لكم حلا جدددا لذييييذ وبيعجب الكل بالذات الحريم الكبار اللي يحبون الرطب ومايحبون سوالف الكاكاو وهالأشياء السكريه حيييل عليهم ، وصفة اليوم مو خفيف حلاها لا فيها بس اخف من وصفات الكاكاو ، سهله جدا حلا بارد مايحتاج لا فرن ولاتسخين ولا شي حتى للبنات الصغار يقدرون يسوونها ولكم الاختيار سوا تسوونها في قالب كيك كبير او في أكواب صغيره ، طبعا انا افضل الاكواب لانها ماتحتاج عفسه واجد اذا كيكه محتاجه صحون وملاعق وسكين وتقطيع لكن الاكواب تعطينهم جاهزه مع ملاعق مافيها كلافه
يلا ما أطول عليكم في المقادير بس نقطه مهمه المقادير هذي لكميه كبيره نوعا ما انتي تقدرين تخففين منها حسب كميتك اللي تبينها
• بسكويت دايجستف " الساده بدون كاكاو "
• زبدة كامله
• جبن كيري " ١٨ حبة "
• قيمر القشطة " ٢ علبه "
• دريم ويب " ٢ كيس "
• نستلة حجم كبير
للتزيين :
• رطب
• لوز مبشور أو جوز بيكان " لك الاختيار "
• صوص كراميل
الخطوة الأولى :
بسكويت الدايجستف بالكامل يطحن لما يصير عندك فتات صغير جدا بعدها نخلطها مع زبدة كامله عن طريق اليد نمزجهم لما يختلطون مع بعض جيدا تاكدي ان الزبده تلاشت مع البسكويت بشكل متساوي
الخطوة الثانية :
اخلطي جميع المكونات الباقيه " دريم ويب / قيمر / نستله / جبن كيري " عن طريق الخلاط لما يصير عندك مثل الكريمة
الحين اخذي من خليط البسكويت والزبده وحطيه في قاع الكوب " او البايركس " ساوي الطبقه بحيث تكون طبقه متساويه مافي شي أعلى من شي
أخذي من خليط الكريمة وصبيه فوق طبقه البسكويت بقدر مناسب في الكوب بحيث ماتكون قليله الطبقه يعني اذا كنتي مستخدمة أكواب أملي الكوب إلى ربع
وقت التزيين الحين
اخذي الرطب واقسميها نصفين " طلعي حبتها اكيد "
وغطي وجه الكريمة في حبات الرطب و اللوز " أو جوز البيكان " بعدها صوص الكراميل زيني فيه من فوق الرطب خطوط خفيفه
وبس عليكم بألف صحة وعافية
وآشوفكم على حب ❤️
ماشاء الله روعه
ReplyDeleteآحب الحلى السهل والمقادير المتوفرة والتمرر يعجبني بالحلى
تسلم آيدك
فكرة غريبة ^ ^
ReplyDeleteتسلمين على الطريقة
لذيذ مره
ReplyDeleteحلوووووووووه
ReplyDeleteوصفة رائعه
ReplyDeleteThis comment has been removed by the author.
ReplyDelete