Diary Lipstick | أرواجـي اليوميـة ❤

السلام عليكم ورحمة الله ،

الآرواج عندي عشششق وهوس كبير أحسها من أهم قطع الميكب مافي لوك تسوينه بدون مايكون من اساسياته روج " أحمر شفاه " 

ومايكمل يومي ولوكي النهاري بدون روج أكييد ، بين فتره والثانيه تلقوني أهب وأتعلق في لون معين واستخدمه مددده ليما ألقى حب جديد وأغيره ، حاليا أغلب أرواجي اللي استخدمها للدوام وللنهار بشكل عام هي الالوان الترابيه اصلا وانا اسوي هالبوست لاحظت ان عندي كم لون مشابهين لبعض بدرجة كبيره :/ 

نبدأ بـ أرواج ماك العشق هالـ ٤ ألوان تجننننن وعشقتها بشكل فظيييع وتناسب للنهار وللدوام وتقريبا يوميا استخدمها بالذات الـ twig / kinda sexy وتكلمت عنهم كثيييير والكل اتوقع عرف اني أحبهم من كثر ماسويت بوستات عنهم 

الالوان تقريبا ( مشمشي / لحمي / بنفسجي / بينك ) 

أحب الأرواج المطفيه اللي مافيها لمعه ، رغم ان عندي جفاف بسيط بشفايفي فيناسبني اكثر الارواج الكريمي ، في بنات مايحبون ارواج ماك رغم اني أحبهم واشوفهم الأفضل ومالقيت بديل يغنيني عنهم ❤

هذي مجموعه ثانيه من الأرواج من ماك و نيكس و سيفورا 

لاحظت أن روج ماك اللي بالصوره فوق مقارب لـ روج نيكس :( تصير فيني هالسالفه اكثر من مره اني اشتري نفس الشي مرتين بدون ماادري بس ممكن يكونون من ماركات ثانيه بس نفس الدرجة تكون بالضبط . . 

عندكم أرواج سيفورا حلوووه درجاتهم وجودتهم عجبوني ماجربت منهم الا درجة وحده وبمر عليهم أخذ كم لون ثاني . .

هذي هي مجموعتي من الأرواج اللي استخدمها بشكل يوومي ، أميل أكثر للالوان الهاديه قليل ما اشطح باللون واخذ الوان قويه . . 

وبس

آشوفكم على حب ❤