السلام عليكم ورحمة الله ،
موضة آساور مونيكا ڤيندر من مدة وأنا حاطه هالاساور من ضمن الـ ويش ليست ، قبل فترة متابعاتي بالانستقرام اكيد عرفو اني طلبتهم من موقعهم بعد ماشفت خصم ٥٠٪ وكان هذا الخصم برايفت لناس معينه فقط وكنت من ضمن الناس اللي طلعلها هذا الخصم
في البدايه مونيكا ڤيندر هي ماركة بريطانيه للمجوهرات دخلت عالموقع وقعدت أتصفح اشوف مجموعتهم من المجوهرات عندهم الفضه والذهب والألماس مجموعه جميله وناعمه وكل الكوليكشنات اللي عندهم تشووق صراحة
وقع اختياري وهو بالاساس انا مقرره من البدايه على أساور الـ " Fiji bracelet " سعرها طبعا 160$ ( بدون خصم )
عندك خيارات كبييره من الاشكال والالوان ومابين اسوار فضه او ذهب او الماس ، بعدها تختارين لون المعدن " قولد / سلفر / روز قولد " بعدها تختارين لون الخيط او ربطة الاسواره مابين ألوان كثييييره ، انااخترت أسوارتين أسواره قولد مع وردي و أسواره سلفر مع تركواز وعندك خيار النقش على السوار وهذا مجاني طبعا اذا حبيتي او لا ، انا نقشت عالاسوارتين حبيتها تكون مصنوعه لي خصيصا طبعا قعدت مدده افكر واحترت شنو انقش عليهم
المهم اخترت كل شي ودخلت بياناتي من اسم و عنوان ودفعت بالفيزا وكل شي تم بحمدالله وهذي اول مره اطلب من الموقع جدددا سهل الاستخدام ، وطبعا اصعب شي لحظة الانتظار وانا انتظر الاساور توصل بالسلامة والحمدلله وصلووو ومن أحلى مايكون . .
( صوره لـ ألوان الخيوط ❤ اختاري اللي يعجبك )
التغليف جدددا راااقي وذوق ينفع كـ هدية لو حبيتي ، وبالواقع أحلى بكثيييير من الصوره ممكن تلبسينها مع ساعتك وممكن تحطين اسوارتين او اكثر من هالماركة بالوان مختلفه
وبس
آشوفكم على حب ❤
ماشاء الله حلوين تتهني فيهم يارب .. احب وصفك التفصيلي وبالصور :))
ReplyDeleteتتهني فيهم ولبس العافية<3 :")
ReplyDelete