Drugstore Makeup Haul ~ مشتـريات

السلام عليكم ورحمة الله ،

بما أني اقيم حاليا في تبليتسه هالمدينة مافيها مولات كثير بس تقريبا مولين وصغار يعني المدينة ماتنفع للتسوق فـ حطيت حررتي في الصيدليات الجماليه كل يوم وأنا أحوس عندهم في رفوفهم واكتشف الشغلات الجديده 

متتتعه لامثيل لها وأنا بالصيدليه عادي أقعد يومي كله فيها انسووني وروحووا D; وكثيير اشوف منتجات اول مره تمر علي أشياء تووونس صج ويبيلها تجرربه ، لان في بعضهم سويت سيرج وبحث عنه لقيت ريفيوهات وبعضهم مالقيت شي أو لقيت بس بـ لغات ثانيه غير الانجليزيه وبعض المنتجات للاسف ماعرفت شنو هي بالاساس لان كتابتها كانت باللغه التشيكيه والالمانيه وهي تختلف تماما عن الانجليزيه 

المهم منتجات كثيره شدتني بالذات الميكب وشريت مجموعه تقريبا كلهم مو موجودين عندنا وحبيت استكشفهم ، وهالبوست لمشترياتي من الصيدليات الجماليه وربما تتبعها تدوينات أخرى مشابهه اذا تميت أشتري من هالصيدليه :"( 

نبدأ في كريمات البشره |

Nude magique " BB cream " by L'oreal

بي بي كريم لي فتتتره وانا ادور عنه لاني سمعت يمدحونه ويوم لقيته ماتعرفون فرحتي فيه ، انا من عشاق البي بي كريم واحب اجربهم لاني استخدمهم بشكل يومي ومريحين عالبشره بعكس الفاونديشن الثقيل ، طبعا خذيت ٢ منه اول واحد خذيته لون ميديوم ماكان فيه الا هو وقتها وخذيته ماصدقت فيه بس لونه اغمق من لوني بالعاده احب افتح شوي المهم وبعدها بكم يوم الا ألقى لون اللايت وخذيته ، المميز في هذا البي بي كريم انها سائل حيل اشبه في الماء لونه يجي ابيض ولما تحطينه على بشرتك يتجانس معاها ويعطيها اللون المناسب . .

BB cream by Nocibe 

ماركة اول مره اشوفها واسمع فيها وفرصه نجرب شي جديد طبعا مافهمت شي من الكلام المكتوب عالمنتج لانه باللغه التشيكيه ومالقيت ريفيوهات عربيه او انجليزيه عنه كلهم بالتشيكي بس حسب مافهمت ان هذا البي بي كريم ٥ في ١ فيه ترطيب و حمايه من الشمس ومغذي مثل اغلب البي بي كريم . . 

Morning baby " BB cream " by Miss Sporty

ايضا بي بي كريم أخر قلتلكم عندي هوس بي بي كريم اكثر شي احب اشتريه بعكس الفاونديشن ابد مايجذبني يكفيني واحد عندي حق المناسبات لكن طوول يومي وللدوام وللطلعات والمناسبات الصغيره استخدم بي بي كريم . . 

Mission Correction " multi-action " Foundation " by Miss Sporty

فاونديشن و كونسيلر و هايلايت كلهم في هذا المنتج حسب ماهو مكتوب ، الفاونديشن لجميع انواع البشره ثابت معاك طول اليوم ويعطيك مظهر فريش ومريح عالبشره 

بصراحه انا ما اسميه فاونديشن هو اشبه بـ البي بي كريم لانه جددددا خفيف بالعاده الفاونديشن يكون طبقته اثقل لكن هذا سائل خفيف وبسهولة يتوزع حبيته صراحه وبالنسبه لـ كونه كونسيلر و هايلايت اممممم ماظن هو مجرد كريم عادي 

انا خذيت درجة اللايت رقم ٢ واسعار هالماركة رخيصه مثل باقي الماركات اللي بالصيدليات الجماليه . . 

Ohh ! Tan so fine " Bronzing Powder " by Miss Sporty 

برونزر باودر لونين إلى الأن ماجربته بس حبيت أخذه . . 

Matt control " Makeup base " by Dermacol

كريم " بيس " تحت الفاونديشن عشان تخفي اللمعه والعيوب اللي تطلع مع الميكب ويخلي الفاونديشن يدوم معاك طول اليوم وتتحكم في الدهون . . 

Longlasting " Lip colour " by Dermacol 

قلم أحمر شفاه ذو رأسين يعطي شفايفك لون قوي وثابت جهه فيها لون الروج و جهه قلوس عشان تعطي جمال وحمايه للون . . 

Eyeshadow

لانها ماركة جديده حبيت اخذ منها كم آي شادو أجربه خذيت ألوان ترابيه تقريبا ماحبيت أخذ ألوان ثانيه لان بطبعي هذي ألواني اللي استخدمها بالعاده ، كان عندهم عرض أخذ ٣ آي شادو ويعطوني باليت صغنون " حامل للآي شادو "  عاد انا خذيت ٤ آي شادو عشان أكمل الباليت ، كل لون مكتوب أسمه عليه من فوق . . 

Twin kajal by S-he

كحل قلم بـ وجهين لون بني و لون ذهبي جميييلين جدددا داخل العين تبينهم او خارجها حلوين وواضحين . . 

NailPolish by Astor

هالصبغ سحرني من قبل سنه اول ماخذيت من هالماركة لون اخضر تقريبا كان شي خيااااال حبيييته بشكل ماتتخيلون والاحلى انه يجف بسرعه ولقيتها الحين بس للاسف كانت الالوان محدوده وماعجبتني كثير بس خذيت هاللون البنفسجي الغامق او نسميه اللون البيدنجاني حلوو بعد . . 

Cream blush by Miss Sporty

هذا بلشر أو مورد خدود كريمي مو باودر باللون البنكي جدددا حلو وناعم للاستخدام اليوم يعطيك مظهر طبيعي مو كأنك حاطه بلشر . . 

Lip balm by Miss Sporty

هذا مرطب شفايف خذيته لان شفااايفي دايم جاافه بالذات بفصل الشتاء . . 

وبس هذي كانت أخر مشترياتي ان شالله عجبتكم

وآشوفكم على حب ❤️