My haul part 1 "nails" | مشتـرياتي الجـزء "١"

السلام عليكم ورحمة الله ،

رجعت لكم صبايا بعد غياب لاني كنت مسافره جولة أوروبيه ❤

راح اكتبلكم بوست مختصر بالايام الجايه عن رحلتي مع الصور ان شالله  ..

وبما أني راجعه من سفر اكيد مارجعت خاليه اليدين ، لازم كانت لي محطة كبيره في الشوبينق

 خصوصا في ميونخ كانت جولتي اكثر ،

وبما أن مشترياتي منوعه فحبيت أسوي أجزاء لـ هالبوست عشان ياخذ حقه بالتفصيل 

في هالجزء بتكلم عن مشترياتي لـ Nails

منو مايحب أصباغ الاظافر أموت عليهم وأحب اقتنعي كل الالوان الجميله رغم اني

 قليل ما استخدم الاصباغ لأني اتعاجز احطها وامسحها عشان الصلاة 

عموما في سفرتي لقيت ماركات كييوت لـ اصباغ الاظافر تجننننن وغالبا جديده علي ماشفتها وماعندي ياها من قبل .. 

COSMETICS 

ساندي" اشكالهم لفتت نظري من البدايه وحبيت اجرب منهم هاللونين رغم ان كترجمة اولى ماكانت الوانهم قويه عاليد بس قلت اخذهم واشوف سالفتهم 

للامانه للحين ماجربته من جديد ماكان عندي وقت بس قريب بكتب عنهم بالانستقرام مع صور للالوان 

LAYLA COSMETICS 

ألوان صيفيه جميله لما حطيتها على أظافري كانت تشبه السيراميك

فيها مثل الحبيبات رغم ان لونها ايضا خفيف تحتاج اكثر من طبقه

اخترت اللون السماوي و الاخضر الفاتح و الابيض دايم يجذبني اللون الازرق بدرجاته والاخضر  

ASTOR

كل الوان هالماركة كانت عندي بس حبيت اجربها واخذت هاللون يجف بسرعه وجميل لونه

LOOK BY BIPA 

خذيت هاللون اليتيم منهم شدددني اللون الاحمر"دم الغزال " على قولتهم معاه شويه لمعه خفيفه وبريق وايضا من الاصباغ اللي تجف بسرعه

Im PRESS 

من اجمل الاظافر التركيب سهله و ماتحتاج صمغ فقط نشيل اللزقه من الخلف ونركبها 

والوانهم واشكالهم تجنننننننن

أسمحولي مستعجله نزلت البوست بدون لا اصور لكم ألوان المناكير عالأظافر

 بس بحاول اصورهم قريب انزلهم بالانستقرام 

هذي كانت مشترياتي الخفيفه للأصباغ 

موضوع قصير ادري بس ماحبيت اتأخر عليكم أكثر 

وانتظروا الجاي أحلى ان شالله 

آشوفكم على حب ❤