My haul part 2 "Face,Hair" | مشتـرياتي الجـزء ٢

السلام عليكم ورحمة الله ،

اليوم جمعت لكم مشترياتي من ميكب و للشعر وللبشره مع ريفيو بسيط لكل شي 

طبعا هذي مشترياتي مثل ماقلت لكم في البوست السابق

Lollipops . Makeup 

شدني هالميكب كان في ركن صغير فالمحل 

وكان المنتجات المعروضه جددددا قليله ماعرف ليش هي خالصه أو هي فقط هذي كميتهم 

غالبا في كل ماركة جديده علي أروح لـ الأرواج واجربها ،
 ابد ما اروح للفاونديشن وغيره لاني شي ماعرفه مااحب اخاطر فيه وأحطه على بشرتي ..

فالروج هو أفضل شي ممكن أجربه ، وجربت كذا لون على ايدي كانو جيدين بس ماخذيت إلا لونين فقط 

اختياري كان لون لحمي و لون بيج 

الارواج يشبهون أرواج " بينفت " قريبه منهم حيل




batiste dry shampoo

فرررحت كثير لما شريته لاني قريت عنه من مده
ورحت صيدليه بوتس بالكويت كل مره يقولون خالص وزعلت صراحه
بس الحمدلله حصلته وخذيت منهم حجم كبير

هو شامبو بخاخ للشعر تحطينه على شعرك ويشيل الدهون اللي فيه
هذا تستخدمينه اذا كان شعرك يفرز دهن وعندك ناس بيجون و
مافي وقت تغسلين شعرك او حتى اذا محد بيجيك بس ماتبين تغسلين شعرك حطيه


GlamGlow 

منو مايعرفه ماسك المشاهير الكل يمدحه ويقولون ان حسو بفرق من أول مره
متحمسه كثييير له ولنتايجه وان شالله يكون فعلا قد المدح اللي انكتب عنه
انا ماراح احكم عليه بجربه وبعد مده راح اكتب ريفيو عن تجربتي ان شالله

Talika Lipocils Expert

مسكارتي العشق اللي كنت ادور عنها من زمان 

مسكارا علاجيه للرموش تنمي الشعر وتقويه

وفعلا انا كنت محتاجه لمثل هالشي هذا

لان رموشي حييييل تعبانه قصيره وخفيفه تطيح

وجهزت لكم بوست كامل عن هالمسكارا قريب ينزل 

وبس ؛) 

آشوفگم على حب ❤

‏