مُدونة كريستال: ريفيو : مسكارا " تاليكا " للعنايه بالرموش

السلام عليكم ورحمة الله ،

قبل ٣ سنوات كنت طالعه مع رفيقتي

ودار حوار بيني وبينها عن العنايه بالعين و الرموش وكنت اسألها اذا كانت تعرف منتج يفيدني

للرموش لان رموشي كانت تطيح وخفيفه وقصيره وفيها فراغات كنت متضايقه من هالشي

فسألتها و ردت علي أنها تستخدم منتج يشبه المسكرا للرموش اسمه " Lipocils " من Talika

تقول انها مسكرا جل معذيه فيها مواد تنمي الرمش وتحافظ عليه وتقويه وفيه ماده " الخروع "

وهي مثل الزيت بدون لون ينحط مره وحده قبل النوم .

بنفس اليوم قررت اشتريه من محل " فيسز " واستخدمه و كان ي بنات منتج ساحر

رموشي فرقت عنها قبل حسيت بنمو شعر بالفراغات و ماقامت تطيح

استانست عالنتايج واستمريت عليه يمكن شهرين بعدها اعترف اني اهملت فيه وبعد مده سنه تقريبا

من وقفته حسيت ان رموشي ردت تعبت والسبب اني استخدم الماسكرا يوميا وهذا شي غير صحي

المهم يوم شفت حالة رموشي تذكرت المنتج قلت اشتريلي جديد هذا انتهت صلاحيته اكيد

، واروح لفيسز واسال عنه قالو ماعندنا هالماركة شالوها من فيسز قلت اشلون انا ابيه

قالت روحي لفروعنا الثانيه يمكن تحصلين اخر حبات عندهم ، وفعلا رحت لاكثر من فرع وماحصلت ولا حبه

قلت خلاص على رموشي العوض .

بعدها نسيت موضوعه ومالقيت لي بديل عنه ، وقبل مده كنت راده من أوروبا وفي ميونخ تحديدا

لانها مدينة تسوق تجولة في محل " دوغلاس " الشهير للي مايعرفه هو محل كبير

تحصلين فيه العطور والمكياج وكريمات البشره وغيره

المهم وأنا افتر بالمحل واشوف الشغلات الجديده لقيت Talika ماتعرفون شكثر وناااااستي قلت الحمدلله

وكانو منزلين نوع جديد نفس القديم بس حجم أكبر وفرشته غير شوي وشفت عندهم من نفس الماركة للحواجب الخفيفه يزيدها ، أنا شريت بس مسكارا الرموش النوعين القديم والجديد

معلومات عن المنتج

Talika Lipocils Expert