Mini makeup haul | مشترياتي

السلام عليكم ورحمة الله ،

رجعتلكم مع مشترياتي من الميكب 

أشياء بسيطه كنت كاتبتها في لستتي لاني أحتاجهم . . 

وحاسه نفسي من زمان ماشريت ميكب وللحين ناقصتني كم شغله أبيها قبل الدوام

باليت الكونتور من كوستال 

من فتره ومن كثر ماشفت بنات يستعملوا الكونتور كان خاطري اشتري باليت كونتور واتعلم طريقته 

كان في اكثر من باليت للكونتور من كذا ماركة واحترت شنو اختار بينهم 

شفت هالباليت تستعمله وحده اجنبيه وشفت طريقتها فيه كانت جميله وخذيته 

الحلو في انه بودر مو كريمي لاني ماحبيت فكرة الكريمي ❤

لاينر من ذا بالم 

شفت كثيييير بنات يمدحووونه و حطيته في بالي من زمان والحمدلله شريته ، عجبني فيه سواده حلو

وثابت مايسيح وفرشته جميله تعطيك خط ضعيف ❤

لاينر من سيلك

خذيت لونين لاينر من سيلك عجبوني ألواني " ذهبي / تيفاني " 

شفت ميكب ارتست يحطون خطه لاينر مثلا الذهبي و فوقه الاسود فيطلع لون الذهبي تحت الاسود جميل لفت نظري قلت أجربه :d 

وممكن أستخدامه تحت العين يعطي شكل حلو ❤

باليت الوجه من سيلك 

باليت جميل ورائع يجمعلك الكونتور والاضاءه والبلشر في مكان واحد ❤

" قريب بنزل ريفيو عنه " 

روج " كيندا سكسي " من ماك

من ضمن اللسته اللي كنت كاتبتها هالروج صايره أحب الالوان الترابيه والنيود 

حبيييت لووونه كثييييير و صار من الروجات المفضله عندي ❤

فرشة من ريل تكنيك

دايم اسمع مدح لـ هالفرش ويقولون انها شبيه بـ فرش سيقما وأحلى بعد وسعرها ممتاز 

أنا شريت هالفرشه هذي بس عشان استخدمها للكونتور

ومبدئيا الفرشه جميله وشعرها حلو ❤

وبسسس 

آشوفكم على حب ❤