My black Skirt ❤ تنسيقــات

السلام عليكم ورحمة الله ،

من القطع المهمه اللي لازم تكون في دولاب كل بنت " التنوره السوده  black skirt" 

هالقطعه الحلو فيها تنسيقها سهههل للغايه ، لان اللون الاسود يتماشى مع كل الألوان " فواتح ، فسفوريات ، ساده ، مشجرات " 

والتنوره السوده مهما كانت قصتها " ضيق أو نافش " حسب تنسيقك للـ توب تقدرين تخلينها " فستان سهره أو فستان ناعم لـطلعه " 

كل هذا يعتمد على التوب وتنسيقاتك لها مع الآكسسوارات وتسريحة الشعر

اليوم بنزل لكم تنسيقات لـ Black Skirt 

كم لوك عشان تستفيدو منه وتاخذون أفكار وينفعون للجامعه 

أخترت تنوره شريتها مؤخرا من سفرتي وبنسق عليها كذا قطعه 

Skirt : forever 21 #germany 

Top & accessories : forever 21

حبيت خامة التوب من أول ماشفتها وعلى طول خذيتها وطقمتها مع التنوره والاكسسوار

الحلو فيها ناعمه وكلااس

وفي هاللوك لازم يكون الشعر مرفوع " عنقوص ذيل حصان أو دونات "  ☺

واكسسوار ناعم باليد سواره او ساعه

التوب ترا قطعتين اللي تحت علاق لازم يدخل تحت التنوره واللي فوق ممكن تدخلينه وومكن يطلع فوق التنوره

(( طبعا عاللبس كل الموديلات أحلا بـ مليون مره من المانيكان ، عاد انتو تخيلووها ))

Top : @letouch

Belt : @asos 

بنفس التنوره حطيت التوب الجميل هذا لونه أبيض بخيوط نحاسيه واخترت حزام اسود بنحاسي 

عملي وبسيط وسريع

لكِ الخيار هنا بالشعر انا اتخيلها " عجفه فرنسيه / ضفيره "

Top : miss selfridge

من القطع اللي أحبها هذا التوب هو موديله قصير وتبان الاكتاف حطيت قطعه تحته عشان تستر ، ونزلي التوب خلي تبان احد الاكتاف واذا ماتبين ممكن ينرفع بس بتتم وسيعه القصه من فوق

Top : forever 21

اخترت هالتوب فرايحي بألوان وخطوط كـتغيير ، ممكن يدخل التوب بالكامل داخل التنوره او بس من قدام دخليه بالتنوره واللي ورا خليه مثل اللي بالصوره " بس اذا دخلتيه بالكامل داخل التنوره لاتخلينه مشدود خلي التوب يكون مثل قصه الـ فلوو "

وهذا التوب موديله مثل الموديل السابق وسيع عشان تطلع احد الاكتاف

Top : american eagle

حبيت اغير شوي وادخل فسفوري :) للي يحبون هالستايل توب بسيط لونه فاقع وعشان اقلل من قوه اللون لبسته هالـ فيست جاكيت جينز 

بعض اللوكات ماتعبر عن ذوقي او ستايلي الخاص في اللبس بس حاولت أغير في كل تنسيق وأتماشى مع كافة الأذواق

لـوكات بسيطه وسهله وكيوت خصوصا للجامعه ، مافيها تكلف وناعمه طبعا أنتي اللي تكملين باقي الستايل من أكسسوارات وتسريحة شعر وميكب وشوز . . . 

وبس 

موضوعي خفيف اليوم ان شالله عجبكم 

وآشوفكم على حب ❤