السلام عليكم ورحمة الله
غالبا ما تسحرني شنطه وأتعلق فيها وأبيها بأي طريقه، هذا اللي صار معاي
مع شنط فيلب ليم mini pashli
من آول ماشفتهم سحروني وعشقتهم وألوانها كانت مُحيره شنو أختار
من بينهم الفواتح وإلا الغوامق ، كنت حاطه في بالي بأخذ اللون "الزيتي - الأخضر الداكن "
بس بالصدفه شفت شنطتي هذي لونها عجبني داخله ٣ ألوان بالشنطه " الأسود و الأزرق و الأبيض "
خذيتها وأنا متخوفه من الأبيض أنه يتوصخ ويتغير لونه والله يستر
بس أشوفها مناسبه للعبايه أو البدلات والفساتين
طبعا أكيد خذيت الحجم الميني الصغير فيها كمية كيااااته ❤
وتناسب سفر وطلعات فيها مشي طويل لانها مريحه وعلاقها طويل تلبسينها كروس
وأفكر استخدمها لـ الدوام علشان مابي آخذ أغراض واجد معاي بالشنطه
طبعا شنطتي الكيوت شريتها من النت من موقع Nordstrom.com
كان عليها خصم ممتاااااز جدا بحدود الـ ٤٨٠ دولار
الحين سعرها بالموقع فوق الـ ٧٠٠ دولار
والشنطة حجمها من داخل أشوفه مناسب لاحتياجاتي " محفظة / عطر / موبايل " وممكن مناديل و ميكب بسيط مثل روج ، ما أحتاج لأكثر من هالأشياء هذي
وفيها سحاب عالجنبين عشان يعطيك توسيع أكبر اذا احتجتي ، ومثل ما ذكرت معاها علاقه طويله تلبسينها بالكتف وممكن تستغنين عنها وتمسكين الشنطه بدونها
نزلت من هالموديل ٣ أحجام " ميني / ميديوم / لارج "
طبعا أنا ماحبيت شكل الموديل عالاحجام الثانيه حسيت شكلها بشع ، الموديل حلاته ميني صغير . . وإلا شرايكم !
أما الألوان كثييييييره وكل لون أحلى من الثاني وجد حيروني في البدايه إلى أن أخترت الجميله هذي
وبس
آشوفكم على حب ❤
ماشاء الله تبارك الله
ReplyDeleteالشنطة جممميلة اختيارك لها رائع
التصميم جدًا حلو ملبوس العافية حبيبتي
يعافيك شكرا من ذوقك ❤
Deleteجميله الشنطه حبيتها عاد ناويه عليها بس مااعتقد اني باخذ الصغيره ^^
ReplyDeleteالناس اذواق بس ما اتخيل أني ألبس شنطه مثلها لاج او ميديوم شكلهم بشع بوجهة نظري
Deleteحبيييت .. انا مفكره فيها جدا جميله شكلي باخذ ميني بس لون واحد
ReplyDeleteتتهني ياعسل ذوووق ماشالله عليك بالعافية ^^
بس بسالك الموقع اللي طلبتي منه بضاعتهم ثقه واصليه؟
ReplyDeleteالله يعافيك ، اي باذن الله ثقه وكل شي اصلي عندهم ونوقع معرووف جدا
Deleteعليك بالف عافيه ، الشنطه جميله وانيقه
ReplyDeleteوحبيتها انها عمليه وتنشال بكذا طريقه
روعه وملبوس العافيه
يعافيك حبيبتي شكرا
Deleteجمييله تتهني فيها داخله مزاجي وناويه اشتري لي وحده =)
ReplyDeleteجميلة، وحبيت حجمها اكوت من الاحجام الاكبر تتهنين فيها
ReplyDelete