Pistachio Cake | كيكـة الفستـق

السلام عليكم ورحمة الله ،

ذكرت لكم سابقا مدى حبي لـ عمل الحلويات والكيـك ، وهذي وصفه جميله وخفيفه لـ كيكة الفستق ، رغم إني من محبي الكاكاو بس هالكيكة فعلا لذيييذه وإن شالله تعجبكم بعد ❤

الطريقة :

- آصبع زبدة ( ١٠٠ جرام ) + نص كوب سكر . . وتخلطينهم بالخلاط مدة ٥ دقايق 

- بعدها تضيفين لهم ٣ بيضات ( بيض بيض تحطينها ) + ١ م.ص فانيلا 

- بعدها نحط  نص كوب حليب سائل + ٤ جبن كيري + نص كوب فستق مطحون 

بعدها نضيف الخليط السابق إلى 

- كوب طحين منخول + ١ م.ك بيكنج باودر + رشة ملح 

تخلط جميعا ثم تصب في صينية كيك مو عميقه ومدهونه بـ زيت ونرش عليها طحين < عشان ما تلزق بالقاع

تدخل الفرن مدة ٢٠ دقيقه ثم نتركها تبرد ١/٤ ساعه 

مقـادير تزيين وجة الكيكة :

 ٥ جين كيري + قيمر + نص حليب نستله + كيس دريم ويب

نخلطهم بالخلاط بعدها نصبها فوق وجه الكيكة ونزينهاا بـ الهيرشي صوص 

وعليكم بألف عافيـه

آشوفكم على حب ❤