السلام عليكم ورحمة الله ،
من كثر ما جاني هوس على الـ BB cream صرت أدور في الماركات وأجرب أكثر من منتج ، أنا تركت الفاونديشن تقريبا صار أستخدامي قليل له أو نـادر ، الـ بي بي كريم صار شي أساسي بـيومي و عشـق و دايم أبحث عن الأروع
DiorSkin Nude BB Cream
منتج لفت نظري في موقع التسوق "Nordstrom" و قريت تعليقات الناس عن المنتج تعليقات غالبها إيجابي و جاني فضول أجربه ، قمت وطلبت البي بي كريم أون لاين
منتج بمكونات طبيعية يعطيك إضاءة وتوهج للبشرة بالإضافه إلى الترطيب والحماية من الشمس ، يجي بـ ٤ درجات لتناسب جميع أنواع البشرة حتى درجة التان موجوده
- يصحح البشرة بشفافية
- يضيئ الجلد مع بريق
- ينعم على الفور
- يحمي يوما بعد يوم
تجربتي الشخصية :
أخترت رقم 02 لونه طبيعي أقرب إلى لون بشرتي ، حبيت سهوله توزيعه و اندماجه السريع مع البشرة ويعطيك نعوومه جميله ، تغطيته بسيطه وحبيت أحساسه عالبشرة كأني مو حاطة شي لانه طبيييعي جدددا ، مايحتاج تحطي بعده كومباكت " بودره " لأنه مو دهني ، وإذا كانت بشرتك جافة جدا أنصحك بالترطيب قبل وضع الكريم
أنا حبيت درجته وخفته عالبشره وأفضِل اللي يكون معاها حماية من الشمس لأني كسوله ما أحب أستخدم أكثر من كريم بالذات الصبح
، حاليا ماعندي أي انتقاد عالمنتج بس له ريحة غريبه شوي وأنا ما أحب الكريمات اللي لها روايح ، لكن بشكل عام جيدا جدا و شكله وعبوته جميله و حجمها صغنون شوي
وبس
آشوفكم على حب ❤
No comments:
Post a Comment