تسوقي معي | shopping with me " Kadewe "

السلام عليكم ورحمة الله ،

قبل كم يوم كنت في برلين ألمانيا عشان نسوي اجراءات الفيزا وخذينا اسبوع في برلين تقريبا ، ما مداني اتجول فيها كلها لانها كبيره وايضا انا تركيزي كان على الاسواق والمولات اكثر شي 

من أروع شوارع التسوق في برلين شارع كورفورستندام او مايطلق عليه من قبل العرب شارع الماركات ، هو شارع طووووويل وعلى امتداد هذا الشارع كلله محلات للتسوق يبدا من محلات بسيطه مثل زارا ومانقو وفورايفر ٢١ وصولا الى قسم الماركات الكبيره مثل شانيل آل في فالنتينو برادا دولتشي اند قابانا وكثيييير ماركات تجنننننن

ومن الاشياء الممتعه في هذا الشارع كشك البطاطا وانتي تمشين تاخذيلك بطاطا مقليه حااره ❤️ او ايس كريم او كوفي ودونت اشياء لذييييذه وامشي وأكلي :)) 

ومن ضمن هذا الشارع يجي مول كاديفي Kadewe هذا موول كبير وفخم كل شي يخطر على بالك موجود ، وهو غالي طبعا لانه يضم ماركات كبيره تحصلين شانيل وديور و آل في سيلين برادا وكل شي من عطور وشوزات وشنط وملابس وميكب . . 

موقعم للي حابه تتسوق منه

http://www.kadewe.de

هو يجي ٦ ادوار : دور العطور والميكب ومحلات الماركات | دور الملابس النسائيه | دور الملابس الرجاليه | دور الشنط والشوزات | دور ملابس الاطفال | دور الكافيهات والمطاعم والسوبر ماركت 

خذيت لكم جوله بالمول وحاولت اصور لكم بعض البضايع والاشياء اللي عجبتني مع الاسعار ❤️

من الآقسام اللي تعور قلبي قسم التحف والمواعين الاشياء الكيوت والشموع صايره تاخذ قلبي اعشقققها

هذي صناديق الاكسسوارات جمييييله والوانها كثيره واحجام بعد هذا اكثر لون عجبني البيبي بينك

هذي احرف تاخذون اللي تبون اما تحطونها لوحدها توقفونها او في قطعه خشبيه تلصقون

الاحرف وتشكلون الكلمة اللي تبونها مثل اللي بالصوره تحت

والحين قسم الشنط والشوزات الصراحه الشوزات اكثر شي حبيييييتها موديلات رووووعه

سندل فلات جميلين والوانهم صيفيه خيال الاسود اللي عاليسار سعره ٩٠ يورو { استخدمو محول العملات افضل }

طبعا اغلبيه الشوزات والشنط كان عليهم خصم ٣٠٪ الى ٢٠٪ 

شوزات ماركة Kurt Geiger 

ماركة بريطانيا موديلاتها تجنننن واسعارها متوسطه تقريبا

وهذا الموقع اذا حابين تطلبون او تتفرجون على موديلاتهم

http://www.kurtgeiger.com

الاول اللي اسود بازرق بفسفوري سعره ١٨٠ يورو 

الاول اللي فيه ترتر اسررني رهيييب وكنت ناويه اشتريه بس لما جيت اقايس حيييييل مزززعج ويعور بالمشي

حاولت اتحمل عشان اخذه بس صج ماينفع مؤلم جدددددددددا وفكرت اخذ قياس اكبر بس طلع كبير علي

سعره ٣٤٠ يورو

فالنتينو اسعارهم هنا جددددا ارخخص من المواقع ومن محلاتنا بالخليج

سعر الشوز اللي لونه نعناعي فاتح عاليمين ب ٧٠٠ يورو

شنطة ديور الاولى هذا الحجم الجدييد حيييل صغييره

اما الثانيه فهي الحجم الوسط سعرها تقريبا ٣٥٠٠ يورو

من فيليب ليم سعرها ب ٦٥٥ يورو

من آلكساندر ماكوين ب ١٣٠٠ يورو

من MCM ب ٤٥٠ يورو

طبعا هالشنطه صورتها لكم بالانستقرام وقلت اختارولي اي لون اخذ واغلبكم قال لون البيج

وابشركم خذيتها لله الحمد

من دولتشي اند قابانا الحجم الوسط

البنفسجيه سعرها ٩٥٠ يورو

والرماديه اللمعه ب ١٠٠٠ يورو 

طبعا الفرررق واضح

بالكويت عندنا تنباع البنفسجيه ب ١٣٠٠ يورو متخيلين الفرق هذا اذا مازاد سعرها الحين

من بولغري الحجم الوسط لونها اخضر يحطططططم سعرها ١٨٥٠ يورو

اما قسم العطور ابدااع 

هالعطر انصح فيه جميل ماعرف اذا متوفر عندنا بالخليج ياليت تقولولي تحت بالكومنت

وهذاااا حبييت ريييحته يجي على ورد وفانيلا شي من هذا القبيل الحلو فيه ريحته صباحيه تصلح للدوام او معزومه عند رفيقاتك بالنهار سعره بحدود ال ٢٢٠ يورو

قولولي اذا متوفر عندنا لاني اول مره اشوفهم

آحلى عطر من عطور آرماني هذا الوحيد اللي حبيته وتقبلت ريحته انا من محبي الروز

وعندهم عطر اخر عنبر بس سالتها تقول وقفو تصنيعه ماعرف ليه

سعره بحدود ٢٣٠ يورو

وبس هذي كانت جولتي عالسريع ان شالله عجبتكم 

وآشوفكم على حب