مُدونة كريستال: مشترياتي من ~ كـيكـو Kiko

السلام عليكم ورحمة الله ،

ونعود مجددا مع تدوينة المشتريات ومشترياتي اليوم من محل Kiko الماركة الايطاليه الشهيره في الميكب ، الحلو والمميز في هالماركة اسعارها الرخيصه وجودتها العاليه كل شي عندهم حلو ويستاهل التجربه . .

ماركة كيكو ماركة ايطاليه تأسست عام ١٩٩٧م ولها فروع بـ ٨ دول أوروبيه من بينهم ألمانيا اللي تسوقت فيها وفتحو من قريب فرع في أمريكا يعني هالماركة مو موجوده لا بالوطن العربي ولا بآسيا بشكل عام . .

هالماركه جد اخذت ضجه كبيره لانها مو متوفره عندنا اكيد بس ضجتها مو عالفاضي لا والله الماركة جيدا جدا وتستاهل لانها مثل ماقلت اسعارها مناسبه جدددا وجودتها جميييله ومو خساره فيها الفلوس . .

طبعا انا هذي اول مره اجرب شئ من هالماركة فماصدقت لقيت المحل وبردت حرررتي وتشريت من كل شئ الا اصباغ الاظافر ماخذيت منهم مع انهم يمدحونها بس لاني عندي فااايض كبير من اصباغ الاظافر وايضا الفاونديشن ماجربته مالهم . .

اترككهم الحين من المشتريات واغلب الاسعار مابين الـ ٢ يورو و الـ ٢٠ يورو تقريبا

للشفايف

رغم اني ماصرت احب القوسات بس شريتي هالاشياء

لونين قلوس ومكتوب انهم 3D يعني يعطون بروز للشفايف خذيت درجة البنفسجي ودرجة احمر على وردي

جربتهم الصراحه رووعه صج كانها ٣ دي شفايفي صارت بارزه واللون بارز وقوي بس مشكلته ومشكل القلوسات بشكل عام ان الشفايف تلزق في بعضها وغير هذي انها ماتدوم يعني بمجرد ماتاكلين يعتفس كل شي ويخرب المنظر

فيهم ثبات بسيط بس بعدها يروح القلوس وتبقى لون خفيف منها

آما المنتج اللي على يمين الصوره هذي ايضا قلوس بس على قلم يختلف عن الثانين لان هذا لمعه لو نحطينه بروحه مايبين كثير بس ممكن تحطين روج لونه مطفي وتحطين اللمعه هذي فوقه يعطي شكل جميل

صااير عندي هوس في المحددات قمت استغني عن الارواج وكللله محددات شريتلي كميه محددات كبيره من كيكو و ماك وماركات بريطانيه والمانيه وان شالله اذ قدرت اسوي ريفيو عنهم كللهم

وطبعا انا شاريه اكثر من المحددات اللي تشوفونها بالصوره بس الباقي نسخ ثانيه يعني شاريه من كل لون محددين او ثلاثه تقريبا ، والصوره اللي تحت سواتش للالوان مع رقم المحدد

الروج اليتيم اللي خذيته بس من كيكو ماعرف ليه ماصرت اشتري ارواج يمكن لان تركيزي صار عالمحددات

عموما هذا روج كريمي بنفسجي مايل على وردي شي من هذا القبيل لما جربته في المحل حبيته بس الى الان ماجربته فعليا

شادو آو ظلال العيون

خذيتلي ٣ آلوان نهاريه مطفيه بدون لمعه يعني تنفع حق الدوام ممكن وخذيت معاها باليت صغير لـ ٣ شادوهات

الوانها حلوه واضحه ورخيصه الواحد بـ ٢ يورو تقريبا، وارقام الالوان موجوده فوق كل لون وعلبته فوقه مع الرقم

حبيت آخذ ايضا الشادو المائي اللي ممكن تستخدمينه وفرشتك مبلله بشوية ماء او بروحه تستخدمينه

لان اللون اصلا قوي وبارز

الارقام موجوده فوق كل لون طبعا الالوان اللي اخترتها لون صدفي نقدر نسميه حييل قوي وواضح اللون ينفعون للمناسبات

واللون الثاني على لحمي نقدر نسميه وبالنسبه للسعر تقريبا على ٦ يورو

" اسمحولي نسيت اجهز سواتش للالوان :] "

هذي شادو ايضا فيها لمعه وقويه جدا بالذات اللي عاليمين لونه فضي من كثر ماهو لمعه ممكن يبهذلك وقووي حييل يعني حطي شي بسيط منه ممكن تحت الحاجب وعند مدمع العين شي بسيط

اسعار الشادو بشكل عام بحدود ال ٥ يورو الى ٦

اما الثاني جانب مطفي نقدر نقول وجانب لمعه