السلام عليكم ورحمة الله ،
من كم شهر قلت لكم أني شريت ماسك المشاهير GlamGlow
من كثر ماسمعت مددددح موطبيعي عليه جاني فضول أجربه وأشوف السحر اللي فيه
أولا أنقل لكم معلومات عن المنتج
تم تصميم جلام جلو ليكون المنتج الأكثر فعالية للإستخدام وراء الكواليس لنجوم هوليوود، فهو يعطي نتائج ملحوظة على الفور ويترك البشرة متألقة ومشرقة وجاهزة للتصوير. ما يميز جلام جلو هو أنه يمكن استخدامه من قبل الرجال والنساء من جميع الأعمار وأنواع البشرة. تحتوي مكونات جلام جلو على الطين المستخرج من سواحل جنوب فرنسا الذي يحتوي على نسبة عالية من الصخور البركانية القديمة، ويحتوي أيضاً على مضادات الأكسدة والمعادن الغنية. يعمل جلام جلو بشكل فعال ليترك مسام بشرتك مشدود مع بشرة ناعمة ونضرة لمدة ثلاثة أيام.
المميزات:
- يشد مسام البشرة
- يقشر البشرة بلطف
- يترك البشرة متألقة ومتوهجة بشكل ملحوظ
- يساعد على ترك البشرة أكثر سلاسة وأكثر إشراقا ونعومة
- يمتص الشوائب دون التخلص من الزيوت الطبيعية
نزلو من المنتج ألوان " أسود - أبيض - وردي - أزرق (للرجال) - وأخضر
الماسك الابيض : هو للبشرة الاكثر حساسية والمعرضه لحب الشباب واللى تعاني من وجود المسامات ومشاكل في البشره وهو هنا يكون علاجي أكثر من ما هو مجرد ماسك
الماسك الاسود : يناسب البشرة الجافه او الطبيعية والتى فيها مشاكل بشرة اقل
الماسك الوردي : نفس الأسود بس غيرو الشكل تضامن مع سرطان الثدي
وفي الماسك الأزرق و الأخضر ما أعرف اذا كانو خاصين لبشرات معين أو مثل الوردي بس مجرد لون
تجربتي الشخصية مع المنتج :
أنا بشرتي مختلطه مايله للدهنيه شوي حب شباب عندي خفيييف حيل بالجبهه وتجي وتروح وعندي في منطقه الأنف شويه رؤوس سوده
أستخدمته مدة ٣ أسابيع مرتين فالأسبوع
أوزعه على بشرتي وتكون نظيفه قبل كل شي يعني اغسلها من الميكب وكل شي
واحط الماسك ١٠ دقايق على بشرتي بعدها أغسله بـ ماء دافي
أول مره حطيته كنت أحس بحراره او نغزات في بشرتي بس المرات اللي بعدها ماحسيت فيها
أممممم بصراحه ماشفت سحر بالموضوع
كانو يقولون من أول استخدام بتشوفين الفرق
بس ماشفت الشي الـ واو اللي يقولون عنه
اوك مااختلف معكم حسيت بشعور حلو بعد الماسك وانتعاش بس ماشفت لمعه بالوجهه
مدري العيب فيني والا شنو !!
أنا أشوفه ماسك عادي حاله حال أي ماسك ثاني ، بتقولون ماحسيتي بنعومه !!
اوك حسيت بنعومه و تقشير بسيط بس هذا هو عمل الماسك أي ماسك يسوي مثل هالشي
يعني النعومه و تقشير وازاله رؤوس سودا كل انواع الماسكات هذي وظيفتها
انا ما أقولكم انه فاشل وندمانه اني شريته
لا بالعكس أنا حبيته و حبيت مكوناته رغم أن الماسك صار معاي " جاف " وهو في علبته يعني ما كان سائل وحسيت بصعوبة في توزيعه في المرات اللي بعدها ، يمكن السبب مني رغم اني كنت حريصه على أني أقفله زين
بس اقصد اني كنت متأمله ومتخيله شي أكبر ونتايج أجمل ومختلفة عن باقي الماسكات ،
كنت منتظره التوهج واللمعه على بشرتي :$ مدري ماشفتها
عموما هذي كانت تجربة جيده بما أن ماصار تأثير عكسي بالنسبه لي فهي جيده جدا
وبس
آشوفكم على حب ❤
و الله الى الان حاسة في شي غلط في موضوع هذا القناع مدري احس كل ما كثرت الضجه على شي تقل جودته الا ما ندر , اول مرة اعرف انو في علبة لونها وردي و ازرق للرجال حدي بس على اللون الابيض و الاسود , يعطيكي العافية فروحة تدوينة جميلة
ReplyDeleteحبيبتي آلاء ❤ لا في منه ألوان بس الأساس هما الأسود والأبيض
Deleteالله يعطيك العافية
ReplyDeleteيمكن استخدموه المشاهير تسويق ودعاية وهبو الناس فيه
وشكلو نوع هبتو مو لجودتو زي ما قلت عشان استخدموه المشاهير
تسلمي ♡♡♡
لسه جالسه اكتب بوست عنه هههه بس انا عن الابيض
ReplyDeleteتجربتي مع الاسود فاشله بمعنى الكلمه ومثل تجربتك كنت منتظره شي ! ومتأمله اشوفه ومتحمسه لنتيجته وبالنهايه ماشفت اي شي
يمكن لو الماسك سعره معقول كان اوكي قلت النتيجه عاديه بس على كل الضجه وعلى السعر وحجم العلبه مايسوى
بالنسبه للأزرق خاص للترطيب ويناسب البشرات الجافه اكثر مع انو اللي بشرتها دهنيه تقدر تستخدمه
والاخضر اجدد واحد وينظف البشره تنظيف عميق من المكياج والتراكمات اللي في المسام
يعطيك العافيه بوست على مصداقيتك في نقل تجربتك بوست مره مفيد ويعطي فكره واضحه عن الماسك لأي وحده تبي تشتريه :*
شكرا حبيبتي
Deleteالله يعطيك العافية فرح
ReplyDeleteوفرتي علي خساير
والله توقعت انه مو قد الضجة اللي عليه
وحتى شرحك له كافي يبين وش المعجزة اللي ممكن يسويها ..
ماقصرتي يختي
:*
حبيبتي هيا الله يعافيك ❤
Deleteموضوع جميل جدا الله يعطيك العافية
ReplyDeleteشقق للبيع في تركيا
ReplyDeleteعقارات تركيا
ReplyDeleteشقق للبيع في تركيا
التفاصيل من هنا :
عقارات تركيا
اراضي للبيع في تركيا
عقارات تركيا 2017
عقارات تركيا
ReplyDeleteشقق للبيع في تركيا
التفاصيل من هنا :
عقارات تركيا
اراضي للبيع في تركيا
عقارات تركيا 2017
التفاصيل الحصول على الفلة من هنا :
فلل للبيع تركيا
فلل للبيع في تركيا
عقارات تركيا 2017
عقارات تركيا
ReplyDeleteشقق للبيع في تركيا
التفاصيل من هنا :
عقارات تركيا
اراضي للبيع في تركيا
عقارات تركيا 2017
التفاصيل الحصول على الفلة من هنا :
فلل للبيع تركيا
فلل للبيع في تركيا
عقارات تركيا 2017